Тошкент шаҳар Соғлиқни сақлаш бош бошқармаси (кейинги ўринларда Бошқарма деб аталади) республика соғлиқни сақлашни бошқариш органлари ягона тизимидаги худудий бўғин хисобланади ва у ўз фаолияти бўйича Ўзбекистон Республикаси Соғликни сақлаш вазирлигига ва Тошкент шаҳар ҳокимлигига бўйсунади.

Бошқарма ўз ишини давлат бошқаруви бошқа органлари ва жамоат ташкилотлари билан биргаликда амалга оширади.

Бошқарма ўз фаолиятида Ўзбекистон Республикаси Конституцияси ва қонунларига, Ўзбекистон Республикаси Олий Мажлис палаталарининг қарорларига, Ўзбекистон Республикаси Президентининг фармон, қарор ва фармойишларига, Ўзбекистон Республикаси Вазирлар Маҳкамасининг қарорлари ва фармойишларига, Соғликни сақлаш вазирининг буйруқ ва кўрсатмаларига ва Тошкент шаҳар хокимлигининг хужжатларига, бошқа норматив хужжатларга ва Низомга амал қилади.