Санкт Петербург вице-губернатори ўринбосари Эргашев Олег Николаевич Марказий Осиёдаги ноёб юқори технологик амалиётлар ўтказишга ихтисослаштирилган педиатрия муассасаси – Ўзбекистон Миллий болалар тиббиёт марказига ташриф буюрди.
Ташриф давомида тўрт қаватли тиббиёт биноси ва поликлиникани кўздан кечирди, марказ мутахассислари билан суҳбатлашди.

Эргашев Олег Николаевич Тошкент педиатрия тиббиёт институти ректори, тиббиёт фанлари доктори, профессор Даминов Ботир Тургунпулатович билан ҳам учрашди. Санкт-Петербург давлат педиатрия тиббиёт университети ва Тошкент педиатрия тиббиёт институти қўшма таълим дастурларини амалга ошириб келмоқда. 2019 йилда тиббиёт университетлар орасидаги келишувга асосан Халқаро факултет ташкил этилди, унинг битирувчилари икки томонлама диплом оладилар. Дастлабки уч йилда талабалар ТошПТИ негизида таҳсил оладилар ва Санкт-Петербург давлат педиатрия университетида ўқишни тамомлаш имкони яратилган. Худди шундай схема бўйича ординатура йўналишида тахсил олаётган резидентларга ҳам тегишли - биринчи йил Тошкентда, иккинчиси - Санкт-Петербургда.
2022-йилда Тошкент педиатрия тиббиёт институти биринчи марта ўқишнинг биринчи босқичини тамомлаган Халқаро факултет талабаларини қабул қилди.

Ҳужжатлар

Муассасалар

Матбуот хизмати

Яна