Uchrashuvda Toshkent shahar hokimligining hamda Sog‘liqni saqlash bosh boshqarmasining mutasaddilari ham ishtirok etdi.

Uchrashuv chog‘ida S. Obidov mehmonlarga mamlakatimizda ijtimoiy soha, xususan, tibbiyot sohasini rivojlantirishga berilayotgan e‘tibor, tibbiy xizmatlar sifatini oshirish, tibbiy xodimlarning malakasini oshirish uchun barcha shart-sharoitlar yaratilganini ma‘lum qildi. Toshkent va Minsk shaharlari o‘rtasida savdo-iqtisodiy, ilmiy-texnik, madaniy sohalardagi hamkorlikni yana-da rivojlantirish borasida so‘z yuritdi.

O‘z navbatida, N. Lazarevich qabul uchun minnatdorlik bildirib, sog‘liqni saqlash, biznes, sanoat, taʼlim kabi qator sohalarda o‘zaro manfaatli hamkorlik haqida so‘z yuritdi. O‘zbekiston o‘z oldiga qo‘ygan maqsadlarini tizimli amalga oshirib borayotganini, bunda davlat hukumatining oqilona boshqaruv siyosati katta o‘ringa ega ekanligini eʼtirof etdi.

Uchrashuv davomida Toshkent shahar sog‘liqni saqlash bosh boshqarmasi bilan Minsk shahri ijroiya qo‘mitasining Sog‘liqni saqlash boshqarmasi o‘rtasida Hamkorlik memorandumi imzolandi.

Taraflar muzokaralarni ijobiy ruhda yakunlab, samarali hamkorlikni davom ettirishga kelishib olishdi.

Ҳужжатлар

Муассасалар

Матбуот хизмати

Яна

18-oktyabr kuni Toshkent shahar hokimining o‘rinbosari Sanjar Obidov Minsk shahri ijroiya qo‘mitasi raisining birinchi o‘rinbosari Nadejda Lazarevich boshchiligidagi delegatsiya bilan uchrashdi.